蔡颖恩(Evelyn )与小师妹连家颖(Vian)最近与新平台「非常港」(Hong Kong Never Normal) 合作,以新奇有趣的角度,探索香港独有城市面貌。热爱跳舞的Vian,突袭周日的中环皇后像广场和海滨公园,与放假的外佣姐姐舞团一齐跳BLACKPINK的《DDU-DU DDU-DU》,姐姐们一字马end post 令Vian惊喜。而Evelyn 就化身美食嚮导,沿电车路缐介绍香港特色美食。
Vian身处中环行人专用区,说:「我以为星期日啲姐姐放假只系倾吓偈,原来佢哋好犀利,我仲见到佢哋排舞,为圣诞节跳舞比赛练习,我喺旁边都学咗几招。」说罢她手舞足蹈跳了几步,有板有眼。「我最初以为我哋语言唔一样好难沟通,但跳舞系我哋共通语言,我哋仲一齐跳舞,好开心。」
至于Evelyn 就化身美食嚮导,从大坑出发沿电车路缐开展搵食之旅。她说:「今次好开心同『非常港』平台合作介绍香港,因为我好锺意食嘢,所以从美食出发。第一站系大坑嘅茶档,我第一次搬出嚟住就喺大坑,带大家去我好锺意帮衬嘅茶档,招牌菜『滑蛋叉烧饭』好有香港特色,融合咗西方嘅滑蛋同埋中式嘅叉烧,煮成非常之靓嘅蛋包饭,仲配埋特制葱油豉油,锦上添花。」而每日限定双层鲜牛油菠萝油,以及充满她的童年回忆黑椒猪扒饭。「我私心仲有茶档嘅车仔面,每次拣配餸都有选择困难症,而且除咗配粉面,仲可以拣肠粉底,好特別。」Evelyn 边讲边吞口水。
然后Evelyn 搭电车去湾仔拮烧卖,她说:「香港人好忙,但会喺忙碌与忙碌之间嘅小空档,喺街边小食店买一串烧卖鱼蛋填肚,安抚心灵。一般会点豉油辣油,今日嗰间店仲有沙爹咖哩酱,非常好味。大家会好小心乌低身咁食,因为唔想啲汁整污糟件衫,而旁边繁忙嘅马路啲车『蓬蓬声』飞驰,个画面好有趣,好有香港特式。而且街边烧卖同茶楼烧卖好唔同,茶楼通常啖啖肉,小食店一定系食鱼肉烧卖先至最有风味,所有旅客嚟到香港一定要试。」她自爆拍摄时即使很小心,仍被酱汁溅到衣服,非常遴迍又搞笑。
尾站Evelyn 带团队去火锅店「打边炉」,她说:「喺香港打边炉好热鬧,你有你讲、佢有佢讲,突然之间会斟酒、举杯、起哄,要感受香港气氛一定要去最嘈、最吵鬧嘅地方打边炉!香港人打边炉非常讲究,先饮汤享受锅底原汁原味,我自己最锺意食竹笙,因为吸晒啲汤又脆饮到啲汤,口感好有趣。」她欣赏火锅店装潢充满老香港特色,除了布置成80 年代屋邨模样,还有霓虹灯大牌坊。
着重仪式感的Evelyn ,生日与结婚周年都因工作无法庆祝,她说:「以前我会好重视呢啲节日,一早谂定好多节目,但可能去到30几岁,仪式感仍然要有,但系最紧要同边个度过。(圣诞节呢?)我谂都系打边炉㗎啦,香港人谂唔到食乜就打边炉!」