「唱作王子」冯允谦（Jay）日前现身香港知专设计学院，在被喻为「黑胶圣地」的「V Music Library」做1日店长，半百fans捧场，Jay与黄志淙博士分享自己的唱作人生，见到现场咁多黑胶碟时，坦言好想推出属于自己的黑胶碟。
Jay踏入「V Music Library」双眼发光，就像一个进入游乐场的小朋友般兴奋，他赞叹：「呢度几乎收藏咗歷史以嚟所有广东歌手嘅作品，可以欣赏唔同类型嘅广东歌。」 当他见到现场有大量的黑胶唱片，说：「见到咁多黑胶碟，搞到我都好想出番张黑胶碟。」现场粉丝和乐迷听到立刻起哄，黄志淙随即鼓励Jay推出黑胶唱片，搞到他都心郁郁说：「真系可以谂吓！」
Jay Fung即场跟大家分享喜爱的音乐，其中就有殿堂级乐队「The Beatles」的经典金曲《Let it Be》，他说：「记得喺课室第一次听到呢首歌时，我系听到即刻喊，唔识得形容嗰刻心情，真系好心痛，呢只歌好触动到我心，所以今日都好想同大家分享，呢只歌嘅歌词好简单、好易明，但系亦有好多意思喺裏面，虽然有啲歌词系重复咗，但系好有意思。」
提到Jay平日写歌的小习惯，原来有时他先会写完旋律，但未必即时想到歌曲内容，而他除了会做资料搜集外，还会用一个方法搵题材，「有时写歌我会瞌埋眼，瞓喺床度同自己倾吓偈，谂吓自己有咩想讲。」所以Jay好重视私人时间，笑言不用出外工作就在家做「宅男」。
