踏入虎年，演员蔡颖恩（Evelyn）除了第一年以「谭太」身份派利是，还有「好消息」宣布，冷静冷静，是她今年一口气接拍两个剧，过足戏瘾，爱情事业两得意！
Evelyn表示两个角色都非常有挑战性，趁新年假期勤力备课，她说：「其中一个角色有好多肢体语言，所以邀请咗戏剧专家甄咏蓓老师帮我补课，而另一个角色就好多对白，最近我已经开始喺屋企背默剧本，呢个方法系导演教我，佢话一边背默一边读出嚟，帮助记忆和了解角色。呢两个角色我从未演过，系新挑战，希望呈现不一样嘅蔡颖恩畀大家睇。」
日前Evelyn与好朋友、时尚逹人林皓霆（Charles）在中环唐人馆拍摄贺年短片，期间品嚐寓意风生水起的「捞起」和寓意金银满屋的巨型煎堆时，边食边讲，笑声不绝。Charles一见到Evelyn，立即卖口乖向「谭太」拜年，Evelyn甜笑到讲不出话，Charles对她说：「我要成为首个逗你第一年作为『谭太』派嘅利是，沾你嘅福气，然后喺我屋企人搞嘅麻将大赛赢到冠军。」Evelyn自爆是麻将新手，笑料百出：「作为新手，大相公、小相公在所难免，但我试过大相公多出三只牌，非常离谱，仲要理直气壮同人拗，成为朋友之间顶级笑话。」
首年以「谭太」身份派利是，Evelyn心情兴奋又紧张：「今年第一年作为谭太派利是，多谢各大品牌知我需要，送咗好多好靓嘅利是封畀我，好开心，派利是系分享福气，希望收到利是嘅朋友，接收到我带畀大家嘅幸福。」婚前她都有派开工利是的习惯，说：「入行后都习惯新年派开工利是，因为遇到帮我一齐做嘢嘅人，系我嘅福气，希望将去年自己搵到嘅钱好似福气分享畀大家，来年大家继续拼搏，再搵多啲钱。（快啲生BB就可以赚返啲利是钱！）好多朋友都问我哋几时生BB，其实我哋都好想享受二人世界先，难得今年我同老公都唔使离港工作，可以一齐过新年。」她又笑言：「有时见到身边朋友凑小朋友时嘅『盛况』都有啲惊！」
外表小女孩的Evelyn原来是厨艺高手，每年都会亲手炮制萝蔔糕，她说： 「我整嘅萝蔔糕非常足料，朋友食过都赞不绝口，今年整咗送畀畀奶奶和屋企人，希望大家食得开心。」除了自制贺年糕点，她还会添置红卜卜内衣过新年，寓意鸿运当头，她笑说： 「每年大年初一、初二都会同亲友打麻将，正所谓『红底旺旺，大杀四方』。如果大家都着红色就打和，所谓和气生财，一样咁开心，哈哈！」
