梁钊峰日前出席「香港红十字会」举办「铼-DSE围炉音乐会」，与二人女子组合「雷同二友」为即将迎接DSE放榜的考生表演，分享面对压力时情绪管理秘技。他们为配合活动主题，分別在「Re」字后面写上「imagine」和「spect」鼓励考生，希望他们多想像、多欣赏和接纳自己。钊峰演唱《至少还有你取暖》、《28天》和《问题青年》，观众挥动手机灯应援，他就跳落台到观众席唱歌和握手，与观众打成一片。
为拉近与观众距离，钊峰主动走到台下，对观众说：「你哋依家咩心情？好忐忑？好紧张？我都好紧张，紧张你哋嘅紧张。我今日谂住唔讲咁多嘢，摆啲想讲嘅嘢喺作品度！（全场起哄）系咪好型呢？真心，每首歌嘅内容和意义都好深远架，你哋要嗒真啲，唔只要听几分钟，要听好多次！」又说：「放榜后，身边好多人会畀意见，老师、朋友、家人、死党等等，听边个好呢？又或者有人会质疑你嘅想法。我想透过歌词劝勉大家，确立自己相信嘅事情，別人意见要听，但要深思熟虑，拣啲自己啱用嘅意见，最重要聆听自己嘅心声。」
音乐会后，钊峰接受访问，他说：「刚才见到呢班DSE考生，我有千言万语，但佢哋一定听到好多意见，我都替佢哋紧张，呢个时候唔使讲啲乜，『陪伴』最重要。只要事先好好计划，乜嘢结果都有明确方向，放榜就好定档。我当年谂定最好、最坏同埋中间几个打算，不过到放榜一刻依家会好紧张。其实攞完成续单啲同学就各散东西，甚至无再见面，我反而想提大家好好珍惜放榜前与同学嘅见面嘅时光，珍惜呢个缘份。」钊峰最难忘是训导主任，他说：「当年我嘅训导主任好恶，但到放榜嗰日，佢好温柔咁安慰我，轻轻拍我双肩打打气，好窝心好sweet，非常难忘！」他又建议沖热水凉和热饮舒压，而放榜前一刻就用力揸紧拳头再放松，急救紧张情绪。
