靓妈林嘉欣最近再为滴露消毒用品拍广告，与两位饰演她囡囡的小演员野餐、洗衫晾衫等亲子活动，嘉欣不时微笑、细声说话，非常温柔贤淑。不过镜头一转，见她在天台拍摄时皱晒眉头，声都震晒，很大反差，原来她畏高。她说：「真系好惊，好彩呢个镜头我面向屋外，导演安慰我，叫我专心欣赏风景，好彩只拍到我背面后见唔到样，我个样惊到面青！」其实她站在天台的平地，还有工作人员在旁扶住，让她安心拍摄，终于顺利完成。
虽然嘉欣畏高，但她竟成功挑战攀爬世界上最高的钢铁拱桥，Sydney Harbour Bridge（悉尼海港大桥），她笑言那是一次「撞邪事件」！她说：「某年去澳洲拍戏，唔知系咪个人飞咗去第二度特別大胆，总系好想做啲平时唔敢做嘅事，我竟然主动报名参加攀登Sydney Harbour Bridge（悉尼海港大桥）导赏团，仲帮埋啲同事报名，条桥好高，唔知点解突然好想冲破自己，挑战吓。」
嘉欣坦言当日早上已紧张到肚痛，心情忐忑，但已拖埋同事落水唯有顶硬上，她说：「因为得一条路，开始咗行就无得返转头，我怕高，一直向上望，上到顶对脚开始用唔到力，但回程嘅时候要向下望，好清楚望到脚下啲车喺条桥好繁忙，剋服唔到，好惊。我嘅PatPat黐住咗喺地下梯级唔郁得，因为顶住后面其他人，同事不断鼓励我，结果我几乎回程都用PatPat『行』落楼梯。」她又笑言：「之后我不断反问自己：『点解我会去？做乜要冲破安全区？舒舒服服唔得咩？』所以啲同事都笑我撞邪，哈哈哈！」
此外，嘉欣分享开工时消毒和防蚊小贴士，她说：「我喺拍摄休息区放咗加湿器，放满水加两盖滴露，除咗消毒，仲闻到一阵阵好香嘅松树味，感觉好舒服。另外同事教我用一樽蒸熘水加一小盖滴露，喷向被蚊针或者擦损嘅皮肤，不但消毒而且有止痕作用。」
