女团Me&的「舞蹈担当」连家颖（Vian），除了拥有可爱脸和大长腿，同时也是「舞」林高手，擅长跳讲求力度及强劲节奏的韩国男团歌曲，而且她都是无师自通。最近她一脚踢制作跳舞Challenge《Vian In Public》系列在个人IG reels开播，决心跳匀全香港，挑战高难度舞蹈，而最大挑战是她的内向「I」人性格。
为了收集香港最佳跳舞地点的民意，Vian走到街上主动访问途人，其中一站在铜锣湾，幸好Vian出路遇贵人，她说：「我最想挑战同训练自己嘅口才，加上锺意拍dance challenge，于是结合呢两样嘢，就诞生咗《Vian In Public》。我系『I』人，好少主动同人讲嘢，仲要做街访收集民意，对我嚟讲系一个好大嘅挑战。街访当日好彩遇到KB前辈（人气鼓手李健宏），佢过咗两招俾我，佢话最好访问啲着得好有型嘅人，因为通常呢类人都会较健谈，我跟住做，真系Work，好多谢KB教路。」
今次Vian一脚踢，由选曲、编舞、拍摄、剪接到造型以配合歌曲形象，既有可爱活泼、也有型格帅气，展现出不同面向的Vian，就连髮型、化妆、衬衫全部不假手于人。她感激各品牌贊助，还有公司团队全力协助，加上腰患刚全癒，令整个计划能够顺利进行。
目前《Vian In Public》系列已播出约十集，她分別到了观塘码头、观塘海滨长廊、荃湾天桥之坊城、汀九湾、迪欣湖、M＋天台花园、屯门兆禧主场天台运动场、西九艺术广场等地方拍摄跳舞片。她说：「拍摄嘅时候都好多人围观，尤其第一条片喺观塘码头拍，当日好多人跑步经过，会停低望，其实我唔好意思，阻到佢哋跑步，但佢哋留步睇住我跳舞，其实俾我好多energy，希望同时我都俾到energy佢哋同埋观众啦！」
Vian喜欢跳舞，坦言受到韩国K POP文化影响，昔日爱看MV无师自通学跳舞，从而发现自己的跳舞天份，所以挑选对自己有深远影响的歌曲。她说：「影响我最深影响系BIGBANG、2NE1等嘅旧作品启蒙我，所以特別拣咗佢哋较旧、对我影响好深嘅作品，向佢哋致敬，多谢佢哋令到今日Me&嘅Vian出现。我期望《Vian In Public》有第二季，冲出香港，去日本、韩国等外地拍摄，运用我少少嘅语言天份，同其他国家嘅人做街访。」
除了忙于拍摄《Vian In Public》，Vian更透露Me&即将推出新歌。「我哋Me&近排密锣紧鼓筹备紧新歌，系一首好有节日气氛嘅圣诞歌，而家进行紧排舞、录音同埋拍MV嘅工作，大家可以密切留意，因为今次对我系一个好新嘅尝试，之前《Eye to Eye》系一首英文歌，今次就尝试广东歌，希望大家拭目以待。」Vian说。
Vian 《vian in public》 IG：
