「郑伊健真心同盟国际歌迷会」成立33周年，日前以「久別重逢」为主题举行聚会，筵开25席，招待约300位来自香港、内地、台湾、日本、韩国和新加坡等各地fans，非常热鬧。相隔8年再办歌迷聚会，伊健很紧张，化身导演兼司仪，亲自安排表演项目。除了邀请合作无间的音乐监制陈光荣、歌手朱隽言和圈外好友Percy ，组成期间限定band表演，还有陈光荣儿子Aiden演奏大提琴打头阵。Fans就以这30几年来，跟伊健经歷的片段剪辑成MV回礼。伊健看后非常感动，一度讲不出话，强忍泪水。他说：「30几年，有啲朋友喺度，有啲移咗民，有啲朋友⋯⋯大家身体健康！」
台上表演由伊健安排，现场就由fans悉心布置，重现电影《久別重逢》场景剧照，让fans代入女主角与偶像合照，还有歌迷会旧会的剪报。最特別是每位fans的座上，都摆放一盒伊健出道拍广告的柠檬茶，而且是当年的復刻版包装，令人惊喜。
首先由Aiden 出场演奏大提琴，然后伊健出场，笑言要公开与Aiden的秘密关系：「你哋睇吓佢嘅髮型，长头髮㗎，我将呢个秘密讲出嚟，大家会唔会好惊？你哋系咪唔想接受？」台下fans起哄，有人抢答是「私生子」，令他们哭笑不得，结果伊健揭晓Aiden 是陈光荣的儿子，这是他第一次公开表演，全场掌声支持。
伊健问台下：「其实Fan Club成立咗几耐？（30几年）30几年咩？多谢大家，原来我哋已经30几年偶像与Fans嘅关系。」他邀请陈光荣出场，说：「大家记唔记得上次fan club party几时？（2017年）当时我哋着咩衫表演？（校服）几年前我哋仲可以着校服，依家就⋯」他继续邀请其他band友上台，并介绍他们身上貌似牛仔布的斗篷，是一位日本朋友用「和纸」为他们制作，全场哗然。
然后伊健一连唱了《随时候命》、《一起冲一起闯》和《自动胜利Let‘s Fight》等歌曲，台下大合唱，气氛高涨。演唱《Stronger》前，他说：「疫情期间好萧条，要戴口罩出街，有好多嘢唔做得，嗰时我拍咗个广告，首歌由陈光荣写，我好锺意份歌词，鼓励大家喺低潮时唔好咁易放弃！」之后与fans影合照和抽奖，送出签名蓝牙喇叭和海报。活动尾声，fans意犹未尽大叫encore，全场大合唱《Together》。
台上还宣布好消息，伊健说：「以前香港唔太重视电影音乐，直至陈光荣出现，《仍能情深爱上》来自《姊妹情深》，仲有《风云》、《中华英雄》、《极速传说》，唔只我嘅电影，仲有《无间道》和《头文字D》都系来自陈光荣。依家好多电子嘢，揿个掣就听到，好少人会做只碟留个回忆，佢就系做紧呢件事。今次仲会出黑胶碟，留住今年曾经有一样嘢出现，感动到大家，记低佢，呢个就系我哋嘅回忆。」
陈光荣说：「我好喜欢《久別重逢》呢套电影，而且伊健用咗另一个层次去演绎，令我更锺意呢部戏，所以我决定出sound track（原声唱片）。」Fans欢唿。伊健更率先向fans剧透唱片封面和内页靓相，他说：「依家做呢嘢唔简单，尤其是黑胶碟。当日话出CD我都有反对，仲有没人买咩？原来系『有』㗎！」陈光荣还透露黑胶碟正在德国印制，现已接受预购，CD下月推出。
