即将在八月九至十一日于红馆举行一连三场「FWD富卫保险呈献：BIG FOUR HAPPY TO SEE YOU ALL演唱会2025」门票已侢部售罄。倒数两个星期开骚，BIG FOUR成员张衞健（Dicky）、许志安、苏永康和梁汉文（Edmond）密锣紧鼓，跟Alan Mak舞蹈团队綵排和练歌，为演唱会做好准备。
Edmond笑言：「一定唔可以忘记有人要练蜈蚣弹同埋林峯櫈⋯⋯」众人即追问Dicky练习进度如何？他说：「使唔使用2000几呎排舞室嚟练？（要！）你畀个厕所我练吓就得架啦！」Edmond对他甚有期望，说：「你要做三十几吓，成条沙甸鱼咁，幅度动作大过林峯好多！」安仔突然爆料：「听讲你订造咗张櫈！」Dicky不否认，但表演甚么就大卖关子，笑说：「系订咗张櫈，但唔系姓林，系姓张 ！今次担保锺意BIG FOUR嘅朋友，即使以前睇过我哋表演，都一定未见过我哋咁做，亦唔会谂到我哋会咁样做。」他预告大惊喜，还笑言叫人上网扑飞，安仔和苏永康立即提醒他门票早已售罄！
苏永康透露：「今次我哋四个会一齐做一个乐器演出，大家都花咗唔少时间去排练，Dicky真系付出好大努力，事实上呢部份，佢自己都好期待。」Dicky扬言：「系，光宗耀祖就靠呢一part！」之前BIG FOUR试过两次在台上夹Band，分別在BIG FOUR演唱会和安仔个唱上表演，Edmond说：「今次延续返个传统，但肯定同之前表演好唔同。」
四子越练越弗，会否骚肌派福利？安仔表示不一定性感，但造型特別。Dicky笑言建议安仔着旗袍唱《喜欢你是你》，Edmond加入爆笑战团：「开衩高到上腰！」他们一碰头就连场笑料，今次肯定唱爆和笑爆红馆。
