「华星唱片」成立55周年，为香港乐坛孕育不少歌神天后，要数90年代的代表作，一定是梁汉文、陈奕迅和杨千嬅的「华星三宝」。他们在「星尘55」节目分享当年同车趣事，回味在「华星」大家庭成长的点滴，三人碰头即鸡啄唔断，现场充满笑声。
梁汉文（Edmond) 1989年参加「第8届新秀歌唱大赛」后出道，而陈奕迅（Eason)参加1995年「第14届新秀歌唱大赛」分別夺得冠军，与同届的三强杨千嬅加入「华星唱片」。虽然相隔五届，但他们年纪相约，加上90年代都是他们事业上升期，经常一同出席各大小宣传活动，被封「华星三宝」。
三人首次碰面在1995年Eason和千嬅「新秀」比赛结束后，随「华星」大队去庆功party，同场还有师兄师姐Edmond、许志安、郑秀文、海俊杰、张崇基和张崇德等，非常热鬧。之后三人经常同坐一架「华星」 媬母车四出宣传，Eason说：「千嬅最惨，因为佢自己化妆要早两个钟起身，公司车第一个接佢，再去接Edmond，佢哋喺九龙，最后过海接我，因为『华星』喺湾仔。收工就放低我先，千嬅最后先落车，返去仲要落妆，即系最迟休息，好惨。」千嬅笑说：「乜我咁惨咩？嗰阵唔会谂蚀底，觉得有得做就好好！」
Eason爆料：「梁汉文出名喺媬母车食嘢，而杯奶茶系唔会倒泻。好高技巧，落糖、搅拌！」Edmond绘形绘声：「系呀，转弯、剎车都无事！」主持人Colin都忍不住一齐大笑。千嬅说：「试过坐满歌手一齐出去做嘢，好逼，真系要好瘦，缩埋一旧。」
「华星三宝」外号，他们表示是当年高层吴雨被街头小食「煎酿三宝」启发。Edmond说：「嗰阵我哋差唔多时候plug歌，一齐上唔同嘅节目做宣传，成日都一齐做嘢，然后就酝酿咗《大激想》出嚟！」千嬅说：「我哋好劲㗎，乜嘢舞都识跳，凤阳花鼓都跳过！」Eason和Edmond手舞足蹈，千嬅在旁笑说：「依家啲关节唔系好掂，跳唔到！」
Edmond由1992年跟随师兄师姐合唱《火热动感LaLaLa》和1993年《爱情傻恋LaLaLa》，1998年他「升呢」师兄，带着师弟师妹Eason和千嬅合唱可口可乐广告歌《大激想》及一系列宣传企划，延续「华星」大家庭的传承美德。令Eason和Edmond最难忘，是拍《大激想》广告当晚发现成为杂志主角，Eason说：「嗰晚喺西环拍通宵，千嬅埋位拍嘢，我同Edmond踎喺电车站无聊揭杂志，见到写我哋『不和』，好好笑！」
Edmond说：「其实『华星』有一种特別气氛，就好似一间音乐学校，好有系统，透过歌唱比赛，然后咁多年帮呢班歌手做咗好多歌、推出好多唱片，令到佢哋有成就，一代一代咁传落去，亦维繫到一班歌手嘅感情。」Eason补充：「其实连幕后都系有呢种感情，好似一班旧同学。」
