前晚（9号）黄淑蔓（Feanna）在观塘apm，为新歌《饿》MV举行首播发布会，与逾百「蔓头」（她的Fans暱称）一同见证新歌面世。她首度公开演唱新歌《饿》和《Hey Feanna》，并与观众玩斗快食炸鸡游戏，冠军获Feanna 送出惊喜贴心大奖，惹全场起哄！
MV 中的Feanna不顾仪态丧塞食物入口，现场观众边睇边大赞好靓女，凼得她哈哈大笑。不过自命活泼「E人」的Feanna坦言公开食相感到有点害羞，说：「见到咁多人望住我食嘢个样，原来系比我想像中害羞，真系好紧张，我一路望住大家嘅反应，睇住大家嘅表情，心情有少少复杂。」
新歌Rock味浓，Feanna表示她一直很想唱Band sound，好开心公司帮她如愿，邀请乐队Dear Jane的结他手Howie作曲，她说：「终于我有机会唱到一首咁『恶』嘅歌，仲要多谢黄伟文Wyman填词，因为佢写入咗我个心！呢首歌想表达其中一个意思：『适可而止』，例如食嘢食少少可以好开心，但食得过量就会辛苦；感情事亦一样，太过恋爱脑，会逼得对方太紧，所有嘢过量都系唔好㗎！」
为配合MV主题，发布会上，Feanna与观众比赛斗快食炸鸡，她说：「今次拍MV好似与时间竞赛，因为要喺越短时间内食越多嘢，个MV至会越好睇，但系『咬』同埋『吞』嘅过程，比大家想像中更加花时间，一啲都唔容易。好想大家同我一齐体验吓呢个感觉，所以设计咗呢个游戏同大家玩！」结果Feanna首位完成任务，笑言：「我没谂过系我赢啰，可能因为拍MV，我已经练习咗好多次。」而一位男参赛者则紧随其后，当主持人阿酸公布游戏其奖品是「黄淑蔓亲自餵你食炸鸡」后，全场起哄。Feanna用竹籤拮炸鸡餵食，得奖观众笑得好幸福，而其他参赛者奖品是Feanna 送出特別版的盲盒公仔。
如果玩斗食游戏，Feanna想挑战哪位圈中人？她说：「我谂吓先，首先唔可以有偶包嘅⋯⋯陈健安啦！我觉得丽英好玩得，应该同我有得切磋吓。（郑伊健呢？）佢一定会话食嘢食咁急伤胃，唔会肯同我玩呢个。不过，食得咁急真系对身体唔好，大家要好好品尝食物，慢吞细嚥。」她更强调MV中所有食物，最终都被台前幕后工作人员食清光，沒有浪费。
稍后，Feanna将于11月22日及23日，晚上八时在黄埔TIDES举行首个个人专场演唱会《建行 (亚洲) 信用卡呈献：蔓蔓蔓蔓蔓蔓Echoes of Man》。10月14日早上十一时在建行 (亚洲) 信用卡指定网站优先订购，而10月21日喺KKTIX 公开售票。Feanna说：「我嘅第一个专场，而且全企位，真系有啲紧张。最重要系练体能，因为观众全企位，所以特別拣好多自己嘅快歌，亦有啲改编歌，仲有啲情绪比较激昂嘅歌曲。观众都要准备好体力，喺台下帮我打call就最开心！」
